یولون آچیق اولسون ، خوشبخت اولاسان

یولون آچیق اولسون ، خوشبخت اولاسان

یولون آچیق اولسون ، خوشبخت اولاسان

#رضا_قاسم‌پور ( #یاشار_زنگانلی )

🔻 #رزاق_شاهمرادی ( آزاد ) جنابلارینان ۱۳۹۷ انجی ایللرینده کرج شهرینین ادبی گروپلاریندا اوز اوزه گلدیک.

رزاق متواضع، درین دوشونجه‌لی، آنلی آچیق گولش اوزلو و عینی حالدا اؤز ملتینین سسی، سمیری و داها دوغروسو #ائل سئون بیر شاعیردی.

« ( آزاد ) چوخ دولانیب، بوتون ایرانی

خـراسـان، اصفـهـان، آذربـایـجـانی

سـاوالان یایـلاقیـن، هـمـده حـئیـرانی

دوغـمـا یایـلاقـیمـا، داریخـدیم ائل لر »

🔻 آزاد جنابلاری زنگانین رجعین کندیدنده بیر ساوادلی آنادان و ادب پرور عائله ده  دنیایه قدم قویوب . بئشینجی کیلاساجاق رجعین کندینده و  اوچومجو  راهنمایی نی زنگاندا تحصیل آلیب ‌،  سوراسی  یئنه ده تهرانا اوز گتیرمیشدی.

تهراندا نئچه اداره لرده مشغول اولا ـ اولا ، حسابداری رشته سینده لیسانس آلیب ، آمما ادبیات و موسیقی یه چوخ علاقه مند اولوب .

آزاد بوتون زنگان ، تهران ، کرج  و آذربایجان شاعیرلرینن چوخلو ایلگیلی بیر شاعیردی.

آزاد چوخلو قوشما ،  غزل ، بایاتی و گرایلی شاعیری دی:

 

«عزیزیم ، یارا سیزلار

یار سیزلار ، یارا سیزلار

یارسیز ، قانماز یار ندیر

درد بودور ، یــارا سـیــزلار ! »

 

🔻 آزاد ائلیمیزین و دیلیمیزین گوجلو فولکلورونا احاطه‌سی اولا اولا ،  اؤز شعرلرینده اولاردان فایدالانیر.

«هـئچ گـون ، کـئـچَـن گونه چاتـمیـر

اوْبــــالار ، کـوْنــلـومــه بــاتـــمــیــر

لــعــنــت !!! دنــیــانــیــن مـالــیــنــا

آه  ! ! ! گـوجـوم ، گـوجـونـه چاتـمـیـر »

 

🔻 آزاد بال آریسی کیمی گول‌لر اوستونه قونوپ و انسان‌لارا بال بلله‌سی توتور.

« دنـیـا ! سنده قـوْیدوم ایکـی یـادگـار

(بئش اوْغول) ، بیر کتاب آدی (لالـه زار)

ایـکــاش اوغــلانـلاریـم ، انـسـان اوْلالار

لالــه‌زار کـتـابــیـم ، دوسـتــا یــادگـــار »

🔻 آزاد اؤز اجتماع‌سیندان غافیل اولان شاعیر دییل و ائلیمیزین دردین داشییان شاعر اولوب .

« بیری پست قویموشدو ، بو شکیله باخ

باخجاق الولاندیم ، کول اولدوم آنجاخ

چاتداخلی بارماقلار ، دیللندی شاعیر

نه یازماخ لازیمدی ، نه ده اوخوماخ ! »

🔻 آزاد اؤز ائلینه دیلینه باغلی ، وفالی ، انسان سئوه‌ر بیر شاعیردی او انسانلارا خوش بختلیک و اوغورلار آرزیلیری.

« یولـون آچیق اولـسون ، خوشبخت اولاسان

دئـمیـرم : یئـنـه ده ، گـل دوستلوق ائـلـه

آمـمـا ، یـالواریرام ! دای بـوندان سونـرا

سـن آلله !!! بـاشقـاسین ، آلداتـمـا بـئـلـه »

🔻 #رزاق_شاهمرادی (#آزاد) جنابلارینا

#جان_ساغلیغی، گولر اوز هابئله آزادلیق، امنیت، باریشیق و عشق جاداسیندا کسگین قلم آرزی ائلیریک .

 آزاد جنابلارینین # تبریز _ مسافیری گؤزل شعرینی بیرلیکده دینله‌ییریک :

💔  تبــریـز  موسافیـری 💔

سفـرین خوش اولـسون ، منیـم عـزیـزیـم

دئمـیـرسن یوْلـونو  گـؤزلـویَـنــده وار ؟

دای صبـریم توکَندی ! گـئری دوْن گولـوم

اوت بـاسْمـیش یوْلـونو ، ایـزلـیـیَـنـده وار

 

سـفَــره گـئــدن سن ، غـریـب اوْلان من

گـولـشنـده گـزَن سن ، چوْلــده سوْلان من

سـؤزومـه گـولَـن سن ، گـؤزو دولان من

دالــینــجـا دوْلانـیـب ، بـوْزلـو یـانـدا وار

 

قارالمیش بولود تک ، یاغـیب ـ سوزموشم

گـؤز یاشیم چاییندا ، چیمیب ـ اوزموشم

یولـونا سو سَپیــب ، چیــچَک دوزمـوشـم

تئز گل ! کـوچـه‌میزی ، تـوْزلــویـانـدا وار

 

گؤروبـسـن بیر کسی ، من تک ـ هـوَســده

اوره‌گـی سـنــیــلــه ، اؤزو  قـفــَـسـده

گـؤزلــری قـاپـیــدا ، قـولاقـی سَــســده

قـوْل‌لاری قـوْیـْنـونـدا ، کیزلـیـیَـنده وار

 

سـنیـلـه گـؤیلـره ، اوچان ـ من اوْلـدوم

پیرتْلاشْمیش دوگونون ، آچان من اوْلدوم

ناقابیل جانیندان ، کـئـچـن من اوْلـدوم

بيـل ! بـوردا ياراسين ، دوزلـویاندا وار

 

بیلیـسن سئـوگـینـه ، نـه‌لر ائدیبـسن ؟

اوره‌گین هيجرينده اَزیـب ،  دیـدیـبسن ؟

جـهـنـنـم اوْدونـا ، آتـیب ،  گـئـدیـبـسـن !

بو  کؤزون ایـچیـنده ، بـوزلـویـاندا وار !

 

خوش کـئـچن آنـلاریم ، اوْلـوب سنـیلـه

هر  لـحـظـه خاطیـره‌ن ، گـزیر مـنیـلــه

گـل ! رقـیـب آلــدادیـر ، مـنـی دَنـیـلــه

قـوشومـون یـوواسین ، پـؤزلویـاندا وار

 

بـونـو بـیـل  راضی یـم ، قـضـا ــ قـدَره

گـولـوم  سنـسیـز ، عـُمـروم گـئدیر هـدَره

دای بـسـدی انـتـظـار !  سوْن قوْی سـفــَره

آردیـنــجـا ـ یـارالـی ، سیـزلـییـانـدا وار

 

بَـسـدی !  دَن باغـلادی ، غـزل سـونـبـولـو

آز اینجیـت  « آزادی » ، شیـدا بولـبولـو

تبـریـزیـن گـؤزه لـی !  آی  مریم گـولـو

تئـز قاییـت ! یوْلـونـو ، گؤزلــوینـده وار

 

#رضا_قاسم‌پور ( #یاشار_زنگانلی )

Share this post